ලංකාවට Internet ලැබෙනේ කොහොමද 😯😯😯

කොහොමද යාලුවනේ ඇදිරිනීති අස්සේ ගෙදරටම වෙලා එපා වෙලා තියෙන්නේ 😭😭 මොනවා කරන්නද ඉතින් මේ දවස්වල අපිට නැතුවම බැරි දෙයක් තමයි අන්තර්ජාලය ( INTERNET ) ගොඩක් යාලුවෝ හිතන් ඉන්නේ ලංකාවට මේ Internet ලබා දෙන්නේ චන්ද්‍රිකා ( satellite ) තාක්ෂණය හරහා කියලා ඒත් එහෙම නෙමෙයි මේ සේවාව අපිට ලැබෙන්නේ අපි අද බලමු කොහොමද ලංකාවේ අපිට Internet එකට සම්බන්ධ වෙන්න අවශ්‍යතාව ලබා දීලා තියෙන්නේ කියලා

මුහුදු පතුල දිගේ ඇදපු කේබල් කිහිපයක් මගින් මේ සේවාව ලංකාවට ලාබා දෙන්නේ කිව්වොත් විශ්වාස කරන්නත් අමාරුයි නේද ? ඒත් දූපතක් වෙච්ච ලංකාව ලෝකෙත් එක්ක සම්බන්ධ වෙන්නෙ මේ Cable මගින් මේවට කියන්නෙ Submarine cables (සබ්මැරින් කේබල්) කියලා. ඉතින් ඒ ගැන පොඩ්ඩක් කතා කරන්න හිතුනා අද 😁😁😁😁

❤ SEA-ME-WE කේබල් පද්ධතිය..

ලංකාවට එන submarine කේබල් අතරින් ප්‍රධානම කේබල් පද්ධතිය තමයි SEA-ME-WE (සීමීවී) කියන්නෙ. SEA-ME-WE කියන අකුරු ටිකෙන් කියවෙන්නෙ South East Asia - Middle East - West Europe කියන එක. මේ කේබල් පද්ධතිය ප්‍රංශයේ ඉඳලා සිංගප්පූරුව දක්වාම දිවෙනවා. ඔය අතරෙ තියෙන හැම රටකම වගේ නියෝජිත ආයතනයක් (ලංකාවෙ නම් SLT) මේ කේබල් වෙනුවෙන් මුදල් ආයෝජනය කරනවා. මේ කරපු ආයෝජනයේ ප්‍රමාණයට අනුව තමයි කේබල් පද්ධතියෙන් තමන්ට ලැබෙන ධාරිතාවය තීරණය වෙන්නෙ.. දැනට SEA-ME-WE 1 සිට 5 දක්වා කේබල් පද්ධති මුහුදෙ තියෙනවා.

❤ Copper Cables - තඹ රැහැන්..

ගොඩක් ඉස්සර මේ සබ්මැරින් කේබල් හදල තිබුණෙ තඹ වලින්. විෂ්කම්භය අඩියකට ටිකක් අඩුයි. ලංකාවට මුලින්ම ආවෙ SEA-ME-WE 1 කියන කේබල් එක. තනිකර තඹ. මේක සම්බන්ධ වුණේ කොළඹ ගෝල්ෆේස් පිටිය අසලට. ලංකාවෙන් මේකෙ අයිතිය තිබුණෙ SLT ආයතනයට.

ටික කාලයකින් මේකෙ ධාරිතාවය මදිවුණා. ඒක නිසා අර රටවල් ටික එකතු වෙලා හැදුවා SEA-ME-WE 2 පද්ධතිය. මේකත් තඹ. වෙනසකට තිබුණෙ මේකෙ කේබල් 2ක් තිබුණා. එහෙම බෙදුවෙ සංඛ්‍යාතය දෙකට බෙදලා. මේකත් සම්බන්ධ වෙන්නෙ ගෝල්ෆේස් පිටිය අසලටමයි. අධික වියදම, අනාගතයේදී වේගය ප්‍රමාණවත් නොවීම හා ප්‍රකාශ තන්තු වල ආගමනය නිසා SEA-ME-WE 1 සහ SEAMEWE 2 වගේ තඹ රැහැන් සියල්ලම වගේ අභාවයට ගියා.

❤ Fiber Optics..

ඊට පස්සෙ ආපු submarine cables ඔක්කොම ප්‍රකාශ තන්තු (fiber optics). මුලින් fiber optics (ප්‍රකාශ තන්තු) කියන්නෙ මොන වගේ දෙයක්ද කියලා කෙටියෙන් පැහැදිලි කරන්නම් අතත් රිදෙනවා ටයිප් කරලා 🤣🤣🤣

මුලින්ම කියන්න ඕන fiber optics ඇතුලෙ කිසිම කම්බියක් නෑ. තියෙන්නෙ ඇහැට නොපෙනෙන තරම් සිහින් වීදුරු කෙන්දක්. එතකොට කොහොමද මේක දිගේ දත්ත හුවමාරු කරන්නෙ කියලා හිතෙනවා ඇති ඔයාලට

හරිම සරලයි. ඕනම දත්තයක් ද්වීමය (binary) සංඛ්‍යාවකින් නිරූපනය කරන්න පුළුවන්නෙ.. 0110101001 වගේ. චිත්‍රපට වල එහෙම දැකලත් ඇති. එක සහ බිංදුව විතරක් උපයෝගී කරගෙන දත්ත සම්ප්‍රේෂණය කරන්න පුළුවන්. මෙහෙම හිතන්නකො. ඔයා ගඟේ එක ඉවුරක ඉන්නවා. ඔයාගෙ යාළුවෙක් එහා ඉවුරෙ ඉන්නවා. ඔයාට ඕන එයාට 0111010 කියන පණිවිඩය යවන්න. ඔයා කරන්නෙ විදුලි පන්දමක් පාවිච්චි කරන එක. ටෝච් එක නිවිලා නම් 0. පත්තු වෙලා නම් 1. ඔයා නිශ්චිත කාලයක් තුල ටෝච් එක

Off (0) On (1) On (1) On (1) Off (0) On (1) Off (0) හැටියට 0111010 කියන පණිවිඩය එහා ඉවුරෙ ඉන්න යාළුවට යවනවා. දැන් එයාට තියෙන්නෙ ඔය ද්වීමය සංඛ්‍යාව decode කරලා ඔයා එව්වෙ මොකක්ද කියන එක හොයාගන්නයි.

ඔය ක්‍රමයම තමයි optical fiber වලත් තියෙන්නෙ. වීදුරු කෙන්ද දිගේ යවනවා අධි බ්ලැති ලේසර් කදම්බයක්. මේක on off වෙන හැටියට තමයි එහා පැත්තෙන් 1ද 0ද කියන එක අඳුරගන්නෙ. එහෙම බැලුවම මේක ආලෝකයේ වේගයෙන් දත්ත සම්ප්‍රේෂණ කිරීමක්. තඹ කම්බි වලට මේ වේගයත් එක්ක හැරෙන්න වත් බැහැ. ඉතින් කාලයත් එක්ක submarine cable ඔක්කොම fiber වලට මාරුවුණා. පරණ copper cable එහෙමම මුහුද මැද අතඇරල දැමුණා.

ඉතින් මම හිතනවා මෙකෙන් පොඩි හරි දැනුමක් ඔයාලට ලැබෙන්න ඇති කියලා ඉතින් ඔයාලා හැමෝම ගෙවල් වලට වෙලා ඉන්න සෞඛ්‍ය අංශ දෙන උපදෙස් හරියට පිලිපදින්න ඉක්මනටම කොරෝනා අවදානමක් මුලු ලෝකෙන්ම තුරන් වෙලා යන්න කියලා ප්‍රාර්ථනා කරන ගමන් නැවතත් මේ වගේ අලුත් ලිපියකින් ඔයාලව හමුවන බලාපොරොත්තුවෙන් අපි සමු ගන්නවා

" කොපි කල හැක සම කල නොහැක "

ලහිරු ශිවන්ත